Die tennisspelers van Hoër Volkskool het ‘n baie bedrywige week agter die rug. In die Somerliga het die eerste seunspan met Wheatlands kragte gemeet. Wheatlands wen die wedstryd 3 – 1. Die tweede seunspan speel teen Mountain met die besoekers wat 3 – 1 seëvier.
Dinsdag het die eerste twee spanne in ‘n weg wedstryd teen Cradock gespeel. Die wedstryde is beslis met dubbel- en enkelwedstryde. Volkskool se eerste seunspan verloor naelskraap 4 – 5, terwyl die eerste dogterspan 8 – 1 wen. Die tweedespan wedstryde is deur Volkskool oorheers en beide die seun- en dogterspanne wen 8 – 1.
Woensdag het 15 spelers van Middelburg in Graaff-Reinet kom speel en hoofsaaklik dubbelstel wedstryde gespeel teen die derde- en vierdespan van Volkskool. Middelburg wen met 12 wedstryde teen 4.
Vrydag was dit Hoërskool Framesby se beurt om die Graaff-Reinet hitte en die eerstespan van Volkskool aan te durf. Die uitslag is bepaal deur dubbelspel en gemengde dubbelspel wedstryde. Hoër Volkskool wen oortuigend met 11 – 1.
Die top vyf seuns en dogters vertrek Woensdag na Bredasdorp waar hulle, as verdedigende kampioene, aan die jaarlikse Tennis-4-Jesus Dubbelstoernooi gaan deelneem. Ons wens hulle ‘n veilige reis en baie sterkte toe.
