Die afgelope vier maande het lesers van die Graaff-Reinet Advertiser die geleentheid gehad om vir die “2024 Best of Graaff-Reinet Readers’ Choice Awards” te stem.
Hoër Volkskool is as die wenner van die kategorie beste hoërskool en Laer Volkskool Graaff-Reinet is as die kategoriewenner vir die beste laerskool in Graaff-Reinet aangewys. Weppie Preppie het die toekenning as die beste kleuterskool ontvang.
Dit is hoe Volkskool beskryf word: In die hart van die Karoo, sal jy die volgende vind:
- ‘n Vooruitstrewende Afrikaanse laer- en hoërskool
- ‘n Ryk erfenis van meer as 100 jaar wat ‘n standvastige fondament vir leerders bied
- ‘n Plattelandse skool met unieke geleenthede
- ‘n Dinamiese en betrokke ouergemeenskap
- Hoë waardes en gebalanseerde leerders
- Uitleef van ons leuse, “Ons sal handhaaf” op akademiese, sport- en kulturele gebied
Hoër Volkskool bied onder andere:
- Uitstekende koshuis en vanaf 2025 sal Huis Cronjé ‘n naweekkoshuis wees.
- Professionele sportafrigting
- Astro hokkieveld
- Onderdak verhitte swembadkompleks
- Baie goed toegeruste gimnasium
- Twee rekenaarsentrums
Baie dankie aan die gemeenskap wat op hierdie manier aan Laer en Hoër Volkskool erkenning gee.
Ons sal handhaaf.
