OPSOMMING VAN UNION HIGH SCHOOL SE JAARLIKSE SENIOR RUGBY- EN HOKKIEFEES Dit was ‘n wonderlike ervaring om soveel wedstryde te speel en waardevolle ondervinding op ons tuisdorp op te doen!

OPSOMMING VAN OAKDALE RUGBYWEEK Welgedaan, manne!

Moenie hierdie spogaand misloop nie – dit beloof om ‘n onvergeetlike geleentheid te wees!

Alecia Louw (graad 10) is gekies as lid van die Oostelike Provinsie o.16A hokkiespan. Uné Groenewald is gekies as lid van die Oostelike Provinsie o.14B hokkiespan. Baie geluk Alecia en Uné. Ons is trots op julle!

Ons rugbyspan vertrek vandag na Riversdal, om deel te neem aan die Oakdale Rugbyweek. ’n Spesiale dankie aan:NUTRITECH vir julle ruim borgskap!Vleispaleis vir die span se toksakke! Sterkte, manne! Weet dat die hele skool agter julle staan. Gee julle alles op die veld!

Hoër Volkskool se eerste hokkiespan het die naweek deelgeneem aan die Greg Beling Hockey Festival. Ons het die Karoo se hitte en weer saamgeneem, wat die toernooi nóg meer uitdagend gemaak het. Tog het die span elke dag gegroei en ontwikkel, en hul deursettingsvermoë was duidelik sigbaar op die veld. Baie dankie aan ons borge vir die jaar! Die dogters het julle name met trots gedra.

Rudolph-Hein het die afgelope naweek deelgeneem aan die Suid-Afrikaanse Tweekamp Kampioenskappe in Oudtshoorn. Hierdie prestige geleentheid het 910 atlete van 14 provinsies en sub-provinsies byeen gebring. In die seuns o.19-kategorie, waarin 57 deelnemers meegeding het, het Rudolph-Hein sterk vertoon. Alhoewel hy nie sy persoonlike beste tye kon verbeter nie, het hy steeds goed gevaar en ‘n algehele 36ste plek behaal. Baie geluk, Rudolph-Hein! Ons is trots op jou!

Hoër Volkskool teen Duineveld Hoër Volkskool het vandag op tuisveld teen Duineveld gespeel. Na ‘n warm Karoo-dag het die dogters uitstekende hokkie gelewer. Die eindtelling was 4 – 1 in Duineveld se guns, maar beide spanne het waardevolle ervaring opgedoen. Beide hierdie spanne vertrek môre na die Greg Beling Festival te Oos – London. Veilige reis en sterkte vir die toernooi!

Die eerste hokkiespan het deelgeneem aan die ‘Open Weekend’-toernooi in Gqeberha. Hulle het goed vertoon, veral as mens in ag neem dat dit hul eerste wedstryde van die seisoen was.Met ‘n jong span (insluitend ses o.16-spelers) was die begin van die toernooi uitdagend, maar namate hulle meer wedstryde gespeel het, het hulle pragtige hokkie begin speel. Ons is baie trots op julle groei en deursettingsvermoë! 📸 Mia van Eeden