Vandag het Volkskool met hart en gees saamgestaan vir ’n saak wat naby aan baie harte lê. In samewerking met die Kankervereniging van Graaff-Reinet het leerders en personeel deelgeneem aan ’n besondere fondsinsamelingsprojek om bewusmaking vir kanker te bevorder. Vir elke tien lengtes wat geswem is, is R10 aan die Kankervereniging geskenk – en ons Volksies het behoorlik hul slag gewys in die swembad! Die energie en opgewondenheid was aansteeklik, met koue waterdruppels, glimlagte en baie gees. Asof dit nie genoeg was nie, het die dag uitgeloop op ’n vrolike pienk klereoorlog, waar leerders deur wolke van pienk poeierruimtes gehardloop...

Van 16 tot 19 Oktober het Jean van Wyngaard, ’n trotse Volksie in graad 11, Suid-Afrika verteenwoordig by die WKA-Wêreldkampioenskappe in Sheffield, Engeland. Jean het uitmuntend presteer en ’n vierde en vyfde plek in sy afdelings behaal — ’n besonderse prestasie op internasionale vlak! Die Suid-Afrikaanse span het algeheel in die vierde plek geëindig en kan met reg trots wees op hul harde werk en deursettingsvermoë. As kroon op sy prestasie het Jean amptelik sy Suid-Afrikaanse kleure ontvang – ‘n eer wat sy toewyding, dissipline en passie vir gemengde gevegkuns beloon. Baie geluk, Jean! Volkskool is trots op jou!

Wat ’n ongelooflike naweek vir Kate-Lynn Kruger! By die 4th A League Gala in Gqeberha op 18 Oktober het sy die swembad regtig laat borrel met haar uitmuntende prestasies: – Gemengde 100m Rugslag: 1ste plek – Gemengde 50m Rugslag: tweede plek Persoonlike rekord: 50 Rugslag – Gemengde 200m Individuele Medley (IM): 1ste plek – Gemengde 100m Borsslag: 1ste plek – Gemengde 200m Borsslag: 1ste plek Sy kwalifiseer vir die SA Nasionale Junior Kompetisie in Maart 2026 op haar 200m Borsslag. Volkskool is ongelooflik trots op jou! Jy wys weer hoe passie, prestasie en trots saamwerk!

Op Woensdag 22 Oktober het Hoër Volkskool teen Gill College op Gill se tuisveld gespeel. Met die wen van die loot het Volkskool besluit om eerste te kolf en het ’n indrukwekkende 215 lopies in hul 25 boulbeurte aangeteken. Hierdie telling is moontlik gemaak deur ’n onoorwonne 104 van Enriano Joubert en ’n blitsige 70 van AW Lambrechts. Terwyl AW en Enriano saam kolf, het hulle ’n reuse 174 lopies aangeteken! Met die bal het Volkskool net so uitstekend gevaar. Zietsman van der Walt het 7 paaltjies geneem, teen slegs 20 lopies wat teen hom aangeteken is. Gill College is...

Vandag skryf ons matrikulante hul eerste gesamentlike vak – die begin van hul finale eksamenreis. Voor hulle na die saal vertrek het, het die graad 1’s buite op die rugbyveld hulle ontmoet om sterkte toe te wens. Met groot opgewondenheid het die jongstes elke matriek met ’n briefie, ’n soetigheid en ’n pen verras – klein tekens van groot ondersteuning. Die veld was vol glimlagte, warmte en ware Volkskool-gees toe groot en klein saamgestaan het vir hierdie spesiale oomblik. ’n Opregte dankie aan ATKV vir die penne wat hulle beskikbaar gestel het en die oulike kaartjies. Sterkte, matrieks van 2025...

Wat ’n fantastiese naweek vir Chenoa Jeffrey! Op 11 en 12 Oktober het sy aan die Oos-Kaap Tennis toernooi in Cradock deelgeneem en saam met haar span ’n derde plek verower. Die kompetisie was sterk, met spanne van Eden, Aloe’s en Noord-Kaap, maar Chenoa en haar span het vasgebyt en met trots geveg. Ons is ongelooflik trots op jou deursettingsvermoë en sportgees, Chenoa – jy wys regtig wat dit beteken om ‘n ware Volksie te wees!

Op Vrydag, 17 Oktober, het Volkskool se Laer- en Hoërskoolpersoneel met groot entoesiasme aan die Dinosaur Obstacle Course deelgeneem, aangebied deur Tri the Karoo. Dit was die eerste keer dat Volkskool genooi is om deel te neem, en ons sê graag baie dankie aan die organiseerders vir ’n heerlike, pretgevulde ervaring. Die foto’s vertel die storie – lag, spanwerk en sommer hope Volkskool-gees!

By Volkskool se jaarlikse prysuitdeling op Maandag, 20 Oktober, is die fokus geplaas op harde werk, toewyding en trots in die klaskamer. Hierdie aand was ’n ware viering van deursettingsvermoë en prestasie – waardes wat diep in Volkskool se kern lê. Sar Viljoen het ‘n eerste klasposisie behaal met ‘n gemiddeld van 78,3%. Sy ontvang Erekleure vir Akademie: Graad 11 en 12, asook die volgende toekennings: – Afrikaans Huistaal – English First Additional Language – Lewenswetenskap (Beste) – Tersius Dippenaar-beker – Toerisme (Beste) – Hennie en Amanda van Rooyen-trofee – Lewensoriëntering (Beste) – Theron-familie-trofee – PSG Wealth Financial Planning-prys Zenobia...

Vandag het ons die ware Karoo-hitte op die Astro gevoel, maar dit het niemand ondergekry nie! Die spelers het met entoesiasme, spanpoging en baie gees hul wedstryde aangedurf. Die energie was aansteeklik en die sportmangees op sy beste – presies soos ons dit by Volkskool ken. ’n Groot dankie Marelize Fourie wat die warm oomblikke vasgevang het met haar kamera – jou foto’s vertel die storie van ’n dag vol passie, glimlagte en hokkiepret! Dis net week twee, maar die besigheidsliga is reeds aan die brand!

Met waardigheid en trots kondig ons die Hoër Volkskool se hoofleiers vir 2026 aan. ’n Span wat ons waardes uitleef en ons toekoms dra. Hoofseun: Hannes van der Merwe Onderhoofseun: Kian Keyser Hoofdogter: Cara Nel Onderhoofdogter: Venique Meyer Met trots stel ons die koshuis se hoofleiers vir 2026 bekend. Jong mense wat met gees, dissipline en opregte omgee lei. Hoofseun : Louwen Wolfaardt Onderhoofseun: Hannes van der Merwe Hoofdogter: Cara Nel Onderhoofdogter: Gaby Hall